شربتین بارون آبادی ولابیده کرو
اور سه ورچینسه وابیده هم اور مزو
آسمونی که حقَش سی تُک تُکیبی چِل تکه
گهل سهنم ول خِدِی که ، سی نمونه، دم درو
اور اشکم پر ولابی غرتراقی نی وکُه
نی صدی تاکی چلوسی ، تش گرو چوی دلو
بوره ی گایل ولابیده وصحری دشترز
نی هیون چول بارون خرده زر مال گرو
اوبهار سوز تل سوزی که مورَل خنگ خنگ
میش و بز ، گایل خداخوب کرده ویبیدن کلو
بعد او بد سالکو وابی وماسِی رفک رفک
موری سه هم ورغبت نیکنه خهکی ورو
مردمون مث جیدری که چشمشو ویبوهه خشک
ول ولابی ریششو وابی و جَرگِی من سرو
ای وحید من شهر خت ار کلفه زه او من دره
تا بخی واگردیَم، نیسی د دی وو نی د بو
زمستان 1404
سهی / وحید کریمی